काठमाडौं – केही दिनअघि मात्र एक फिल्मको कार्यक्रममा आँचल शर्माले पत्रकारसँग आफूले गल्ती गरेको भए सरी भन्दै माफी मागिन् ।माफी माग्नुपर्ने खास कारण त केही थिएन तर उनले पत्रकारसँग झर्केकोमा यदि कसैलाई असर पुगेको भए माफी चाहन्छु भन्दै माफी मागेकी थिइन् ।

आँचललाई कसैले उल्टोपाल्टो प्रश्न सोध्यो भने रिस उठिहाल्छ । पत्रकारले यसैको फाइदा उठाउँदै प्रश्न गर्छन् । यसैलाई लिएर पत्रकारले ठूलो कुरा गर्ने भन्दै आँचललाई बारम्बार प्रश्न सोध्ने गर्छन् । यता आँचल पनि पत्रकार सम्मेलनमा झोँक्किन्छिन् र पछि माफी माग्छिन् ।

कार्यक्रममा आँचलले माफी मागेपछि पल शाहले सामाजिक सञ्जालमा फेसबूक स्टाटस लेखेर माफी मागेको कुरालाई लिएर टिप्पणी गरे ।

उनले आँचलले माफी माग्न जरुरी नभएको र विमानस्थलमा राति बाह्र बजेसम्म काम गर्नु पत्रकारको काम भएको बताए ।

त्यसपछि फिल्म क्षेत्रमा के हल्ला चल्न थालेको छ भने आँचलले माफी माग्दा पललाई किन मन दुखेको होला? जबकि, यी दुई प्रेममा छन् भनेर फिल्मकर्मीको खासखुस सुनिने गर्छ । यतातिर अहिले आएर पलले सार्वजनिक रुपमै आँचलप्रति चासो देखाएको कुरालाई पनि कतिपयले टिप्पणी गरेका छन् ।

अर्कातिर पल पनि आँचलले माफी मागेकै कारण पत्रकारप्रति अविश्वास देखाएका हुन् कि भन्ने पनि अड्कल गर्न थालिएको छ । जे भए पनि आँचललाई केही हुँदा पलको मन दुख्ने रहेछ भन्ने चाहिँ पलले बेलाबेलामा पलले सङ्केत दिने गर्छन् ।