दुईपांग्रे सवारी उत्पादक कम्पनी टिभिएसले जुपिटर स्कुटरको नयाँ उत्पादन बजारमा ल्याएको छ ।

यो स्कुटर ३ प्रकारको वेरियन्ट बेसमा लञ्च गरिएको छ । यो स्कुटर जेडएक्स (डिस्क ड्रम ब्रेक) र क्लासिकमा उपलब्ध छ ।

यो स्कुटरको विशेष फिर्चर्स भनेको सिङ्क ब्रेकिङ सिस्टममा आधारित हुनु हो । सिङ्क ब्रेकिङ सिस्टममा पछाडिको ब्रेक लगाउँदा अगाडिको ब्रेकले पनि आफैं काम गर्छ । जसले गर्दा ब्रेक लगाउनुपरेको अवस्थामा चालकलाई सजिलो हुन्छ ।

यो स्कुटरमा १ सय १० सीसीको इन्जिन छ । जो ५.८८ किलोवाटको पावर र ८ एनएमको टर्क दिन्छ । कम्पनीको दावी अनुसार यो स्कुटरले एक लिटर पेट्रोलमा ६२ किलोमिटरको माइलेज दिन्छ ।

केही हप्ता अगाडि मात्रै भारतमा लञ्च गरिएको स्कुटरको मूल्य नेपालमा पुग्दा १ लाख ९० हजारको आसपास पुग्ने अनुमान गरिएको छ ।