काठमाडौं– दक्षिण एसियाली खेलकुद (साग)अन्तर्गत पुरुष फुटबलमा भुटानविरुद्धको खेलमा नेपालले ४ गोल प्रहार गरेको छ ।

पहिलो हाफमा १ गोलले अग्रता लिएको नेपालले दोस्रो हाफमा लगातारजसो ३ गोल प्रहार गरेको हो ।

खेलको शुरुवाती ५ औं मिनेटमा सुजल श्रेष्ठको गोलबाट नेपालले अग्रता लिएको थियो ।

दोस्रो हाफ शुरु भएसँगै ४९ औं मिनेटमा पुनः सुजलले नै दोस्रो गोल गरे ।

यस्तै, ६५ औं मिनेटमा अभिशेक रिजालले तेस्रो गोल गरे भने ७६ औं मिनेटमा मिक्चेल तामाङले चौथो गोल गरे ।

नेपालले समूह चरणको पहिलो खेलमा भुटानसंग खेल्दैछ । भुटानले पहिलो खेलमा बंगलादेशलाई हराएको थियो ।

भारत नआउने भएपछि अन्तिम समयमा फुटबलको तालिका फेरिएको थियो । नेपाल, बंगलादेश, माल्दिभ्स, श्रीलंका र भुटान समूहमा रहेका छन् ।

सबै टिमले राउण्ड रोबिनका आधारमा प्रतिस्पर्धा गर्नेछन् । शीर्ष दुई टिमले स्वर्णका लागि प्रतिस्पर्धा गर्नेछन् ।