एजेन्सी– क्यानाडाले गत डिसेम्बरमा पक्राउ परेकी चिनियाँ प्राविधिक सामग्री निर्माता कम्पनी हुवनवेकी प्रमुख वित्तीय अधिकारी मेङ वानझोउलाई अमेरिका सुपुर्दगी गर्ने प्रक्रिया स्वीकृत गरेको छ ।

क्यानाडाका अधिकारीले हुवावे कम्पनीका संस्थापककी छोरीसमेत रहेकी वानझोउलाई अमेरिका सुपुर्दगी गर्ने प्रक्रिया स्वीकृत गरिएको र अब उनको सुपुर्दगीका विषयमा अदालतमा सुनुवाई हुने बताइएको छ ।

अदालतमा उनको सुनुवाईको मिति आगामी बुधबारलाई तोकिएको छ ।

उनलाई गत डिसेम्बरमा भ्यानाकुवरबाट पक्राउ गरिएको थियो । हाल उनी नजरबन्दमा रहेको बताइएको छ ।

अमेरिकाले इरानमाथि लगाएको नाकाबन्दीको उल्लङ्घन गर्ने षड्यन्त्र गरेको अभियोगमा अमेरिकामा मेङविरुद्धको मुद्धा विचाराधिन छ ।

उनलाई अमेरिका सुपुर्दगी गर्ने प्रक्रिया स्वीकृत गर्ने क्यानाडाको कदमको चीनले भने निन्दा गरेको छ । पछिल्लो समय मेङलाई पक्राउ गरेको विषयलाई लिएर चीन र क्यानाडाबीचको सम्बन्ध निकै चिसिएको बताइन्छ ।

यता अमेरिकाले भने क्यानाडाको कदम स्वागतयोग्य रहेको भन्दै क्यानाडालाई धन्यवाद दिएको छ । अमेरिकी जस्टिस डिपार्टमेन्टले विज्ञप्ति जारी गर्दै क्यानाडाको कदमको स्वागत गरेको हो ।

क्यानाडाको भ्यानाकुवरमा रहेको अदालतले उनलाई अमेरिका सुपुर्दगी गर्ने फैसला सुनाएपनि उनले उपल्लो अदालतमा पुनरावेदन दिनसक्ने जनाइएको छ ।