भक्तपुर – हनुमन्ते नदी सरसफाइ अभियानको शनिबार ८८औँ हप्ता भक्तपुरको सल्लाघारीदेखि घलातेँसम्म सरसफाइ गरिएको छ ।

हनुमन्ते नदी सफाइ अभियानअन्तर्गत अरनिको राजमार्ग खण्डमा भएको सरसफाइका क्रममा शनिबार तीन टन फोहोर सङ्कलन गरिएको छ ।

हनुमन्ते नदी सफाइ अभियानका दूत, अभियन्ता एवं चलचित्र निर्देशक मदन घिमिरेका अनुसार अभियानमा वीरदल गणका गणपति एवं कर्णेल शिवप्रसाद पौडेलसहित नेपाली सेनाको टोली, नेपाल प्रहरीको टोली, सशस्त्र प्रहरीको टोली, विभिन्न सामाजिक सङ्घसंस्थाका टोली एवं प्रतिनिधि, सञ्चारकर्मीलगायतको सहभागिता थियो ।

सांसद बस्नेतको नेतृत्व तथा सूर्यविनायक नगरपालिकाको संयोजनमा शुरु भएको उक्त नदी सफाइ अभियान १०० सातासम्म सञ्चालन हुनेछ ।