मुम्बई – आज बुधबारबाट प्रदर्शनमा आएको हिन्दी चलचित्र ‘वार’ हेरेर दर्शक निराश भएका छन् । भारतीय मिडियाका अनुसार दर्शकले राखेको अपेक्षा यो फिल्मले पूरा नगरेको प्रतिक्रिया दिएका छन् ।

एक्सन प्याक यो फिल्मबाट दर्शकले बढी नै आशा गरेका थिए । ती अडियन्सले ट्वीटरमा फिल्मबारे आफ्नो रिभ्यु दिएका छन् । धेरैले आफूलाई फिल्म मन नपरेको प्रतिक्रिया दिएका छन् ।

बलिउडका दुई ठूला एक्सन हिरो एकसाथ स्किृनमा देख्दा दर्शकमा बढ्ता अपेक्षा हुनु स्वभाविक थियो ।

एक दर्शकले लेखेका छन्, ‘यो फिल्म यस वर्षको सबैभन्दा ठूलो डिजास्टर हो ।’ त्यस्तै दोस्रो प्रयोगकर्ताले लेखेका छन्, ‘यो फिल्म पूर्ण रुपमा एक निराशाजनक फिल्म रह्यो, फिल्ममा देखाएको स्टन्ट र एक्सनले त ध्यान खिच्छ तर कहानीले निराश गरिदिन्छ ।’

एक प्रयोगकर्ताले भने फिल्म मन परेको प्रतिक्रिया दिएका छन्, ‘वार एक शानदार एक्सन फिल्म हो तर यो फिल्म अन्तिमको २० मिनेट पूरै झुर लाग्छ, ऋतिक तपाईंले राम्रो फिल्म डिजर्भ गर्नुहुन्छ ।’

कतिले फ्यानले भने यो फिल्म एकदमै राम्रो भएको भन्दै प्रतिक्रिया दिएका छन् । धेरै कमेन्टस् भने नराम्रो भन्दै आइरहेका छन् । रिलिजअघि यो फिल्म निकै चर्चामा थियो ।