मुम्बई – प्रभास र श्रद्धा कपूर स्टारर फिल्म ‘साहो’ ले समीक्षात्मक हिसाबले खासै राम्रो प्रतिक्रिया पाएन । तर, यो फिल्मले बक्स अफिसमा धमाकेदार व्यापार गरेको छ । फिल्मको ओपनिङ डेमा बम्पर कमाइ गरेको छ ।

२४ करोड ४० लाख रुपैयाँ शानदार ओपनिङ गरेको यो फिल्मले दोस्रो दिन २५ करोड २० लाखको व्यापार गरेको छ । फिल्मले आइतबार पनि दमदार प्रदर्शन गरेको छ । आइतबार फिल्मले २९ करोड ४८ लाख भारु कमाइ गरेको छ ।

तीन दिनमा फिल्मको जम्मा कमाइ ७९ करोडभन्दा बढी पुगेको छ । यो कमाइ हिन्दी भाषामा मात्र कमाइ गरेको हो । फिल्मको दुनियाँभरको कमाइ भने २ सय करोड कमाइ गरेको अनुमान गरिएको छ ।

‘साहो’ यस वर्षको सबैभन्दा ठूलो एक्सन फिल्म रहेको छ । फिल्मलाई धेरैजसो नकारात्मक रिभ्यु आएको छ । कमाइका हिसाबले भने यो फिल्म राम्रो कमाइ गरेको छ ।