कास्की– डेविड फल्स र फुस्रेखोला बिचको खोँचमा अड्किएका एक जना बालकको कास्की प्रहरीले केही दिन अघि उद्दार गरेको थियो ।

चार दिनदेखी खोँचमा फसेका पोखरा १७ छोरेपाटनका १६ वर्षीय अन्जन सुनारको केही दिन अघि जिवितै उद्धार गरेको थियो ।

माछा मार्ने क्रममा चिप्लिएर खोँचमा अड्किएका उनलाई माछा मार्न गएका मानिसले नै चारदिन पछि देखेपछि प्रहरीलाई खबर गरेका थिए । गण्डकी प्रदेश शशस्त्र प्रहरीगण पोखराका प्रमुख प्रहरी उपरीक्षक (एसपी) राजेन्द्र बिष्टको नेतृत्वमा पुगेको उद्धार टोलीले सुनारको उद्धार गरेको थियो ।

खोलाको खोँचमा दुवै खुट्टा नचल्ने अवस्थामा भेटिएका सुनारको उद्धार पश्चात उपचारका लागी पोखरा स्वास्थ्य विज्ञान प्रतिष्ठानमा लगिएको थियो । प्रहरीका अनुसार घट्नास्थलमा पुग्दा घाईते सुनार हलचल गर्न नसक्ने अवस्थामा खोँचमा फसिरहेका थिए ।