काठमाडौं– पछिल्लो समय सामाजिक सञ्जालमा एउटा तस्वीर निकै भाइरल बनेको छ । पोखर उद्योग वाणिज्य संघले आयोजना गरेको कार्यक्रमको उक्त तस्वीर भाइरल बनेको हो ।

कार्यक्रमको व्यानर टागिएको छ– ‘महिला उद्यमी भेला’ । गत शुक्रबार भएको कार्यक्रममा मञ्चमा आसिन व्यक्तित्वहरुले पछाडि टाँगिएको ब्यानरको खिल्ली उडाएका छन् ।

जहाँ एउटा पनि महिला देखिएकी छैनन्, तस्वीरमा देखिएका ८ जना मध्ये एक जनाले कार्यक्रम सञ्चालन गरिरहेका छन् अरु मञ्चमा आसिन ।

महिला उद्यमी भेलामा पुरुष सहभागी हुनुहुँदैन भन्ने होइन । तर एउटा पनि महिला नदेखिनु चाहि लाजमर्दो विषय नै हो । यही विषयलाई लिएर सामाजिक सञ्जालमा मञ्चमा आसिन व्यक्तित्वहरुको खिल्ली उडाइएको छ ।

कसैले रमिता पनि कति हेर्नु लेखेका छन् भने केहीले एक दिने सुत्केरी, मेयर आफै डोजर चलाउने यस्ता महिला उद्यमी यही पोखरामा हुँदा रहेछन् लेखेका छन् ।

त्यस्तै केहीले यी सवै महिला उद्यमीहरुलाई शुभकामनासम्म लेखेका छन् ।