ओटावा– क्यानाडाका कार्टुनिस्ट माइकल डि अडेरले अमेरीकी राष्ट्रपति डोनाल्ड ट्रम्पको कार्टुन बनाएका कारण जागरिबाट हात धुनु परेको छ ।

उनलाई न्यू ब्रन्सविकको एक प्रकाशन कम्पनीले कार्टुन बनाएकै कारण जागिरबाट निकालेको हो । उनले निकै संवेदनशील कार्टुन बनाएका छन् । उनको कार्टुनमा गत साता रियो ग्रान्ड नदीमा डुबेका अल्बर्टो मार्टिनेज रामिरेज र उनकी २३ महिनाकी छोरीको मृत्यु भएको घटनालाई ट्रम्पसँग जोडेर  बनाइएको छ ।

अमेरिकी राष्ट्रपति ट्रम्पको यही कार्टुन बनाएका कारण उनले जागिरबाट हात धुनुपरेको हो ।  कार्टुनमा ट्रम्पले दुई आप्रवासी डुबेको तस्वीर नजिक उभिएर गल्फ खेल्ने संकेत देखाएकाे बनाइएको छ। ‘यदि मैले खेले भने के तिमीलाई दुःख लाग्नेछ ?’ भन्ने आशय कार्टुनमा लेखिएको छ । कार्टुनमा ट्रम्पलाई गल्फ कोर्टमा समेत देखाइएको छ । जसको नजिकै एक बाबु र बच्चाको शव छ ।

यो समाचार पनि हेर्नुस्

अमेरिका–मेक्सिको सीमामा बाबु छोरीको हृदयविदारक शव फेला