अभिनेत्री जेविका कार्कीलाई धेरैले टेलिभिजन शो ‘ह्वाट द फ्लप’ का कारण चिन्छन् । यी अभिनेत्री फिल्म क्षेत्रमा भने खासै जम्न सकेकी छिन् । भलै उनको अभिनयको चर्चा भइरहन्छ ।

पछिल्लो समय कमेडियन सन्दीप क्षेत्रीले सञ्चालन गर्ने कार्यक्रम ‘ह्वाट द फ्लप’ मा नदेखिएका कारण उनलाई फ्यानले उक्त कार्यक्रममा हेर्न चाहेको भन्दै कमेन्ट गरिरहन्छन् । तर, जेबिका आफ्नै काममा व्यस्त छिन् ।

उनी अभिनित फिल्म ‘जय श्री दाम’ गत वर्ष प्रदर्शनमा आएको थियो । तर, फिल्मले व्यावसायिक सफलता हात पार्न सकेन । भलै फिल्ममा उनले गरेको अभिनयको चर्चा भयो ।

पछिल्लो समय जेबिकाले अभिनय गरेका फिल्म ‘पर्व’ र ‘कारखाना’ को अभिनयले पनि जेबिकालाई चर्चामा ल्यायो । सामाजिक सञ्जालमा समेत खासै सक्रिय नरहने जेबिका ‘ह्वाट द फ्लप’ की छुच्ची श्रीमतीका रुपमा भने लोकप्रिय छिन् ।