तनहुँ– तनहुँमा पौडी खेल्न गएको एकै परिवारका दुई दाजुभाइको पोखरीमा डुबेर ज्यान गएको छ ।

म्याग्दे गाउँपालिका–२ जामुनेस्थित माछापुच्छ्रे इट्टाभट्टाको पोखरीमा पौडी खेल्ने क्रममा डुबेर उनीहरुको ज्यान गएको प्रहरीले जनाएको छ ।

स्कुलबाट घर फर्कने क्रममा पोखरीमा पौडी खेलेका म्याग्दे–२ का कृष्ण वहादुर शाहीका ७ वर्षिय छोरा सुन्दर शाही र ४ बर्षिय किस्मत शाहीको मृत्यु भएको जिल्ला प्रहरी कार्यालय तनहुँले जनाएको हो।

शाही दाजुभाइ पोखरीमा डुवेपछि १३ वर्षिय आशिक शाहीले हारगुहार गर्दा इट्टाभट्टामा काम गर्नें बर्तमान चौधरीले उनीहरुलाई उद्धार गरेका थिए।

पोखरीबाट उद्धार गरिएको भए पनि दबै दाजुभाइको दमौली अस्पतलामा उपचारको क्रममा मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक लिलाराज लामिछानेले जानकारी दिए।