काठमाडौं– नेपाल खेलकुद पत्रकार मञ्च (एनएसजेएफ)ले प्रदान गर्ने वर्षको उत्कृष्ट खेलाडीको अवार्ड यस वर्ष प्याराग्लाइडिङका युकेश गुरुङले हात पारेका छन् ।

नेपाली राष्ट्रिय क्रिकेट टिमका कप्तान पारश खड्का लगायतलाई पछि पार्दै गुरुङले उत्कृष्ट खेलाडीको अवार्ड हात पारेका हुन् ।

यस वर्षको उत्कृष्ट खेलाडीका लागि एनएसजेएफले ५ जनालाई मनोनयन गरेको थियो । जसमा राष्ट्रिय क्रिकेट टिमका कप्तान पारश खड्का, क्रिकेटर सोमपाल काकी, गल्फका शुक्रबहादुर राई र जुडोका इन्द्र बहादुर श्रेष्ठलाई पछि पारेर युकेशले अवार्ड हात पारेका हुन् ।

युकेशले १८ औं एसियाली खेलकुदमा प्याराग्लाइडिङ क्रस कन्ट्रीको पुरुष इभेन्टमा नेपाललाई रजत पदक दिलाउन महत्वपूर्ण भूमिका निभएका थिए ।