मुम्बई – बलिउड अभिनेता सलमान खानको बहुप्रतीक्षित फिल्म ‘दबंग ३’ को शूटिङ शुरु भएको छ । सोमबारदेखि यो फिल्मको छायांकन शुरु भएको हो ।

शूटिङ लोकेशनबाट फिल्मको पहिलो तस्वीर सार्वजनिक गरिएको थियो । उक्त फोटोमा सलमान खानलाई दबंगका रुपमा देखाइएको छ

सलमानले स्वयम् तस्वीरलाई सामाजिक सञ्जालमार्फत सार्वजनिक गरे । उक्त तस्वीरमा सलमान खानले कमिजमा चश्मा लगाएका छन् । दबंगका हरेक सिरिजमा सलमानले यसरी नै चश्मा लगाएको देख्न सकिन्छ ।

यो फिल्मलाई डिसेम्बरमा रिलिज गरिनेछ । प्रभुदेवाले निर्देशन गरिरहेको यो फिल्ममा अरबाज खान निर्माता छन् ।

करीब दश वर्षपछि सलमान र प्रभुदेवाले एकसा काम गर्न लागेका छन् । सन् २००९ मा प्रभु र सलमानले फिल्म ‘वान्टेड’ का एकसाथ काम गरेका थिए ।