काठमाडौं– जल तथा मौसम विभाग अन्तर्गतको मौसम पूर्वानुमान महाशाखाले आज दिउँसो मुलुकका पूर्वी लगायात मध्य पहाडी तथा पश्चिमी पहाडी भू-भागहरुमा आंशिक देखी सामान्य बदली रहने जनाएको छ ।

महाशाखाले अपरान्ह पश्चात देशको पुर्वी भू-भागका थोरै स्थानहरुमा र पश्चिमी पहाडी तथा मध्य पहाडी भू-भागका एक दुइ स्थानमा मेघ गर्जनका साथै हावाहुरीको सम्भावना रहेको पूर्वानुमान गरेको छ ।

त्यस्तै राति देशको पुर्वी भू-भाग लगायात मध्य पहाडी भू-भागमा आंशिक बदलि रहने महाशाखाले जनाएको छ । देशको पुर्वी भू-भागका राति एक दुइ स्थानमा मेघ गर्जन सहित क्षणिक वर्षाको संभावना रहेको पूर्वानुमान गरिएको छ ।

बुधबार पनि देशको पुर्वी भू-भाग लगायत मध्य पहाडी तथा पश्चिमी पहाडी भू-भागहरुमा आंशिकदेखि सामान्य बदली रहनेछ भने बाँकी भू-भागहरुमा आंशिक बदलि रहनेछ ।

बुधबार (भोलि) अपरान्ह पश्चात देशको पुर्वी पहाडी भू-भागका थोरै स्थानमा, मध्य पहाडी तथा पश्चिमी पहाडी भू-भागका एक दुई स्थानमा मेघ गर्जनसहित हावाहुरीको सम्भावना रहेको विभागले पूर्वानुमान गरेको छ । बुधबार राति देशको पहाडी भू-भागहरुमा आंशिक बदली रहनेछ भने बाँकी भू-भागहरुको मौसम सफा रहने जनाइएको छ।

मौसम पूर्वानुमान महाशाखाले विहीबार दिउँसो देशको पूर्वी भू-भाग लगायत मध्य पहाडी तथा पश्चिमी पहाडी भू-भागहरुमा आंशिक देखि सामान्य बदली रहने जनाएको छ ।

विहीबार अपरान्ह पश्चात देशको पुर्वी पहाडी भू-भागका थोरै स्थानमा, मध्य पहाडी तथा पश्चिमी पहाडी भू-भागका एक दुइ स्थानमा मेघ गर्जन सहित क्षणिक वर्षाको संभावना रहेको महाशाखाले जनाएको छ ।

त्यसैगरी रातिको समयमा भने विहीबार पहाडी भू-भागहरुमा आंशिक बदली हुने देखिए पनि बाँकी भू-भागहरुको मौसम भने सामान्य रहने जनाइएको छ ।