काठमाडौं– सत्तारुढ नेपाल कम्युनिस्ट पार्टी (नेकपा)का अध्यक्ष तथा पूर्व प्रधानमन्त्री पुष्पकमल दाहाल (प्रचण्ड)को चीन भ्रमण तत्कालका लागि स्थगित भएको छ ।

प्रधानमन्त्री केपी शर्मा ओलीको स्वास्थ्य अवस्थाका कारण अध्यक्ष प्रचण्डको चीन भ्रमण तत्कालका लागि स्थगित भएको नेपाल कम्युनिस्ट पार्टीका स्थायी समिति सदस्य अग्नी सापकोटाले जानकारी दिए ।

गत शुक्रबार राजधानीमा आयोजित एउटा कार्यक्रममा प्रचण्डले आफू चीन जान लागेको बताए थिए ।

चिनियाँ राष्ट्रपति सी चिनफिङको निमन्त्रणमा आफू नेतृत्वको टोली चीनको भ्रमणमा जान लागेको प्रचण्डको भनाइ थियो ।

नेकपा अध्यक्ष प्रचण्डसहित नेकपाका नेताहरुको टोली डिसेम्बर १० (मंसिर २४ गते) चीन भ्रमणमा जाने कार्यतालिका थियो ।