काठमाडौं – सुगम गायिका कुन्ती मोक्तानको आवाजमा सजिएको ‘सैलुङको थुम्काहरु’ बोलको गीत सार्वजनिक भएको छ ।

भिजिट नेपाल २०२० लाई चिनाउनसमेत सहयोग पुग्ने गरी तयार पारिएको गीतमा कुन्ती मोक्तानको स्वर सुन्न सकिन्छ भने रिद्दि श्रेष्ठको शब्द रहेको छ ।

यस्तै गीतमा शिलाबहादुर मोक्तानको संगीत र तथा एरेन्ज रहेको छ । गीतमा शैलुङको सुन्दरताको वर्णन गरिएको छ ।

भिडियोमा सदिक्षा श्रेष्ठ, सतिष्मा श्रेष्ठ लगायत नाचेका छन् । विजय लामा र रोनिश तामाङले क्यामेरामा कैद गरेका हुन् भने रोनिश तामाङले ड्रोन खिचेका हुन् ।

गीतको भिडियोलाई मेकबहादुर थापाले सम्पादन गरेका हुन् । यस्तै भिडियोलाई रामकुमार घिसिङले निर्देशन गरेका हुन् ।