धरान–धरान उपमहानगरपालिकामा नेपाली कांग्रेसका उम्मेदवारले अग्रता कायम राखेका छन् ।

कांग्रेसका तर्फबाट मेयरका उम्मेदवार बनेका तिलक राई सत्तारुढ नेपाल कम्युनिस्ट पार्टी (नेकपा) उम्मेदवार प्रकाश राईभन्दा २६०५ मतले अगाडि देखिएका छन् ।

पछिल्लो नतिजाअनुसार नेपाली कांग्रेसका तिलक राईले २५ हजार ९ सय ९८  मत पाएका छन् ।

सत्तारुढ नेकपाका मेयरका उम्मेदवार प्रकाश राईले २३ हजार ३ सय ९३ मत पाएका छन् ।

धरान उपमहानगरपालिकाको २० वटा वडामध्ये अब १ र ७ वडाको मात्रै मत परिणाम आउन । जहाँको मतगणना जारी छ ।

नेपाली कांग्रेसले धरान उपमहानगरपालिकामा जित्ने विश्वास लिएका छन् । उनीहरुले राति नै जीतको खुसीयाली मनाउँदै नाराबाजी गरेका थिए । यस अघि त्यहाँ नेकपाले जितेको थियो ।