काठमाडौं– नेपाल र फिलिपिन्सका परराष्ट्र मन्त्रालयबीच दुईक्षीय परामर्श संयन्त्र स्थापना गर्नेसम्बन्धी समझदारीपत्रमा हस्ताक्षर भएको छ ।
समझदारीपत्रमा परराष्ट्र मन्त्रालयको दक्षिणपूर्व एशिया तथा प्रशान्त विभागका प्रमुख सहसचिव तापस अधिकारी र नेपालका लागि फिलिपिन्सका राजदूत रामोन बगतसिंहले आ–आफ्ना मन्त्रालयका तर्फबाट हस्ताक्षर गरेका परराष्ट्र मन्त्रालयले जनाएको छ ।
समझदारीपत्रअनुसार दुवै देशले नियमित रुपमा दुई पक्षीय सम्बन्धका सबै पक्षको समीक्षा गर्दै पारस्परिक लाभ र सहयोग प्रवर्द्धनलाई विस्तार गर्नेछन् ।
नेपाल र फिलिपिन्सबीच १२ फेब्रुवरी १९६० मा कूटनीतिक सम्बन्ध स्थापना भएको थियो ।
प्रतिक्रिया