विराटनगर– सुत्केरीको उपचारको क्रममा मृत्यु भएपछि विराटनगरको विराट नर्सिङ होममा तनावको अवस्था सिर्जना भएको छ ।

सुनसरी दुहवी नगरपालिका ८ की २० वर्षीया रमिला कार्कीको बिहीबार साझँ उपचारको क्रममा मृत्यु भएपछि मृतकका आफन्तले अस्पतालको लापरवाहीको कारण मृत्यु भएको भन्दै नाराबाजी गरेका छन् ।

मृतकका आफन्तले घटनाको छानविन हुनुपर्ने माग राख्दै अस्पतालमा धर्ना दिएका छन् ।

कार्कीलाई सुत्केरी व्यथा लागेपछि मंगलबार विराट नर्सिङ होममा भर्ना गरिएको थियो । कार्कीले मंगलबार विहान शिशु जन्माएपछि अत्याधिक रक्तश्राव भएको थियो ।

अत्याधिक रक्तश्रापपछि चिकित्सकले शल्यक्रिया गरेर पाठेघर निकाल्नुपर्ने बताएको थियो ।

चिकित्सकको सल्लाह अनुसार कार्कीको पाठेघर निकाल्न शल्यक्रिया गरिएको थियो । चिकित्सकले शल्यक्रिया भएको ४ घण्टामा सुत्केरीको होस आउछ भनेपनि पछि भने उनलाई मृत घोषित गर्यो‍ ।

अस्पतालले नर्मल डेलिभरी भएकी कार्कीलाई मृत घोषणा गरेपछि मृतकका आफन्तले घटनाको छनविन हुनुपर्ने भन्दै शव लिन समेत अस्वीकार गरेका छन् ।