बलिउडका ह्याण्डसम हंक जोन अब्राहम बाइक र कारका निकै शोखिन छन् । यही कुरालाई ख्याल गर्दै फिल्म ‘मुम्बई सागा’ का निर्देशक सञ्जय गुप्ताले जोनलाई ३० लाख रुपैयाँको पिकअप ट्रक गिफ्ट गरेका छन् ।

निर्देशक गुप्ताले कार र बाइकमा रुचि राख्ने जोनजस्तो मान्छे आफूले नदेखेको भन्दै पिकअप ट्रक गिफ्ट दिएका हुन् ।

‘जोनसँग कैयन् बाइक र कारको कलेक्सन छ, मैले पनि उनका लागि पिकअप ट्रक किनेको छु, किनकि उनको कलेक्सनमा यो थिएन,’ निर्देशक गुप्ताले भने ।

यसको टेस्ट ड्राइभ गर्दा जोनले पिकअप ट्रक मन पराएको र त्यही कारण आफूले किनिदिएको गुप्ताको भनाइ छ ।

यसअघि पनि सञ्जय गुप्ताले जोनलाई सुपरबाइक दिएका थिए । सन् २०१३ मा प्रदर्शनमा आएको फिल्म ‘शूटआउट एट वटाला’ को सफलतापछि उनले जोनलाई सुपरबाइक गिफ्ट गरेका थिए ।

जोनसँग राजपुताना लाइट फुट, डुकाती डिवेल, कावासाकी निन्जा, हायाबुसा, महिन्द्रा मोजो लगायतका बाइकको सङ्ग्रह छ । साथै उनीसँग निसान जिटी आर, लेम्बोर्गिनी गेलार्डो सहित अन्य कार पनि छन् ।