काठमाडौं– पूर्व उपप्रधान एवं अर्थमन्त्री तथा नेकपाका नेता भरतमोहन अधिकारीको स्वास्थ्य अवस्था गम्भिर बनेको छ ।
८२ वर्षीय अधिकारीको मुटुको चाल कम हुँदै गएको र स्वास्थ अवस्था विग्रिदै गएको अस्पताल स्रोतले जनाएको छ ।
विगत १५ दिनदेखि धुम्बाराहीस्थित ह्याम्स अस्पतालमा उपचाररत नेता अधिकारीको स्वास्थ्यमा शुक्रबारबाट थप जटिल भएपछि भेन्टिलेटरमा राखेर उपचार थालिएको छ ।
निमोनियाका कारण स्वास्थ्यमा समस्या देखिएपछि उनलाई अस्पतालमा भर्ना गरिएको थियो ।
छाती रोग विशेषज्ञ डा. अर्जुन कार्की र राजु पंगेनीको टोलीले उनको उपचार गरिरहेको छ ।
प्रतिक्रिया