काठमाडौं– लुम्बिनी विकास बैंकका नवनियुक्त अध्यक्ष दशरथ रिसालले पद तथा गोपनियताको शपथ लिएका छन् ।

भदौं १० गते बसेको सञ्चालक समितिको बैठकको निर्णय अनुसार नियुक्त रिसालज्यूले नेपाल राष्ट्र बैंकका डेपुटी गभर्नर चिन्तामणि शिवाको समक्षे पद तथा गोपनियताको शपथ ग्रहण गरेका हुन् ।

रिसालले बैंक तथा वित्तीय संस्थाको संचालक पदमा रही कार्य गरेको करिब १२ वर्षको अनुभव तथा विभिन्न व्यवसायीक तथा सामाजीक संस्थाहरुमा लामो समय कार्य गरेको अनुभव छ ।

उक्त अवसरमा नेपाल राष्ट्र बैंक, बैंक तथा वित्तीय संस्था नियमन विभागका कार्यकारी निर्देशक देव कुमार ढकाल, का. मु. निर्देशक विरेन्द्र दत्त अवस्थि र बैंकका प्रमुख कार्यकारी अधिकृत श्री नरेश सिंह बोहराको उपस्थिति रहेको थियो ।