प्रभास र श्रद्धा कपूरको प्रतीक्षित भारतीय फिल्म ‘साहो’ रिलिज भइसकेको छ । फिल्मले मिश्रित प्रतिक्रिया पाए पनि व्यापारमा धमाका मच्चाएको छ । प्रभासका क्रेजका कारण बिहानैदेखि फिल्मको शो राखिएको थियो ।

तर, फिल्म हलमा रिलिज भएको केही घण्टामै यो फिल्म अनलाइनमा लिक भएको छ । अनलाइनमा लिक भएपछि फिल्मको व्यापारमा पनि घाटा पर्ने अनुमान गरिएको छ ।

खबरका अनुसार फिल्मलाई तमिलरकर्सले इन्टरनेटमा अपलोड गरिदिएको हो । यो, त्यही साइट हो । जुन फिल्म लिक गराउने मामिलामा बदनाम भइसकेको छ । यो फिल्म हाइ क्वालिटीमा इन्टरनेटमा अपलोड गरिएको छ ।

‘साहो’ का निर्माताले फिल्म हटाउने प्रयास गरिरहेका छन् । यो फिल्मले पहिलो दिन मात्र १ सय करोडभन्दा माथिको व्यापार गरिसकेको छ ।