कपिलवस्तु– सत्ता साझेदार दल समाजवादी पार्टी नेपालका स्थानीय नेतामाथि कपिलवस्तुमा गोली प्रहार भएको छ ।
समाजवादी पार्टीको सुद्धोधन गाउँपालिका अध्यक्ष रामनयन यादवमाथि आज्ञात व्यक्तिले गोली प्रहार गरेका हुन् ।
जिल्ला प्रहरी कार्यालय कपिलवस्तुका अनुसार कपिलवस्तुको लवनीबाड पकडीतर्फ जाँदै गरेका यादवमाथि मोटरसाइकलमा आएका व्यक्तिले गोली प्रहार गरेका हुन् ।
प्रहरीका अनुसार नेता यादवको पाखुरामा गोली लागेको छ ।
गोली लागेर घाइते भएका यादवको तौलिहवास्थित जिल्ला अस्पतालमा उपचार भइरहेको प्रहरीले जनाएको छ । उनको अवस्था अहिले सामान्य रहेको छ ।
प्रहरीले गोली प्रहार गर्ने व्यक्तिको खोजी कार्य जारी रहेको जनाएको छ ।
प्रतिक्रिया