विशेषगरि युवती र महिलाले श्रृंगारमा विशेष ध्यान दिने गरेका हुन्छन् ।

तर कतिपयले भने जाडो मौसम र गर्मी मौसममा एकै खालका श्रृंगारका सामाग्रीको प्रयोग गर्ने गरका छन् । जसका कारण यो कहिलेकाही त्यति राम्रो देखिदैन । वा छालामा यसको प्रभावकारिता त्यति देखिँदैन ।

जाडोमा छाला सुख्खा हुन्छ भने गर्मी मौसममा छाला चिल्लो हुन जान्छ । यस्तो बेलामा एउटै खालको मेकअप किट र सामाग्री प्रयोग गर्दा उपयुक्तप हुँदैन । त्यसैले मौसम अनुसारको सामाग्री प्रयोग गर्न आवश्यक हुन्छ ।

जाडोमा मोइस्चराइजरको प्रयोग बढी गर्नुपर्ने हुन्छ । गर्मीमा छाला चिल्लो हुने हुनाले मोइस्चराइजरको बढी प्रयोग गर्न उपयुक्त हुँदैन ।

लिपिस्टिक

लिपिस्टिक सबै कलरमा उपलब्ध हुन्छ । स्किनअनुसार यसको प्रयोग गर्नुपर्छ । लिपिस्टिक सीधै ओठमा लगाउनु हुँदैन । गलत लिपिस्टिकले ओठलाई कालो बनाइदिन सक्छ । लिपबाम प्रयोग गरेपछि लिपिस्टिक लगाउनु उपयुक्त हुन्छ ।

प्राइमर

मेकअप गर्नुभन्दा पहिले प्राइमर प्रयोग गर्न सकिन्छ । दिनहुँ मेकअप गर्ने बानी भए अनिवार्य रूपमा प्राइमर लगाउनुपर्छ ।

गाजल

गाजल मेकअपमा अनिवार्य रूपमा प्रयोग गरिन्छ । मार्कर लाइनर गाजल सजिलै प्रयोग गर्न सकिन्छ । वाटरप्रुफ गाजल प्रयोग गर्दा गाजल लामो समय टिक्छ ।

मस्कारा

मस्कारा मेकअपमा बढी प्रयोग हुने प्रोडक्टमध्ये एक हो । भोलुमवाला मस्कारा प्रयोग गर्नु उपयुक्त हुन्छ । यस्तो मस्कारा माथिदेखि तलसम्म र पुनस् तलदेखि माथितिर लगाउनुपर्छ । यसले परेलालाई नेचुरल देखाउँछ ।