काठमाडौं – हास्यकलाकार शिवहरि पौडेलको निर्देशनमा चलचित्र ‘लक्का जवान’ निर्माण हुने भएको छ । योसँगै पौडेलले ठूलो पर्दाको चलचित्र निर्देशनमा हात हालेका छन् ।

बुधवार राजधानीमा गरिएको एक कार्यक्रममा फिल्मको औपचारिक घोषणा गरिएको हो । यो फिल्म भदौपछि छायांकनमा जाने निर्माण टिमले जनाएको छ । प्रस्तुतकर्ता ध्रुव पन्त रहेको फिल्ममा किरण केसी, दिलिप रायमाझी, प्रियंका कार्की, वर्षा शिवाकोटी, सलोन बस्नेत, राजाराम पौडेल, सुरेन्द्र केसी, सरोज खनाल लगायतका कलाकारको अभिनय रहने बताइएको छ ।

यस्तै फिल्मका गीतमा कविराज गहतराजको कोरियोग्राफी रहनेछ भने मित्र डी. गुरुङले फिल्म सम्पादन गर्नेछन् । पुरुषोत्तम प्रधानले क्यामरामा उतार्ने यो फिल्मलाई किरण केसीले निर्माण गर्न लागेका हुन् ।