सिरहा- सिरहाको पडरियामा सोमबार ट्रकको ठक्करबाट म्याजिक भ्यानमा सवार तीन जनाको मृत्यु भएको छ ।

पूर्वपश्चिम राजमार्ग अन्तर्गत पडरियामा ट्रकले भ्यानलाई ठक्कर दिँदा भ्यानमा सवार तीन जनाको मृत्यु भएको छ भने ८ जना घाइते छन् । घाइते मध्ये तीन जनाको ३ को अवस्था गम्भीर रहेको प्रहरीले जनाएको छ ।

जिल्ला ट्राफिक प्रहरी कार्यालय लहानका अनुसार ना १ ख २४१५ नम्बरको ट्रकले ना १ ज ७४५४ नम्बरको म्याजिक भ्यानलाई ठक्कर दिएको हो । ट्रकको ठक्करबाट भ्यानमा सवार सिरहा गोलबजार नगरपालिका ८ का गणपति महरा, धनगढी नगरपालिका ९ की भुलुमाया लामा र बरियारपट्टी गाउँपालिका ३ शिवनगरकी बतैयादेवी मोचीको मृत्यु भएको छ ।

दुर्घटनामा गम्भीर घाइते उपचारका लागि विराटनगर लगिएको ट्राफिक प्रहरीले जनाएको छ । दुर्घटनाका अन्य घाइतेहरुको स्थानीय अस्पतालमा उपचार भइरहेको छ ।