काठमाडौं– शुभकामना यातायात प्रा.लिले भक्तपुरको सिरुटारदेखि थानकोट नागढुङ्गा रुटमा चल्ने गरी ठुला बस संञ्चालनमा ल्याएको छ ।

शुभकामना यातायात प्रा.लिले सोमबारदेखि भक्तपुर सूर्यविनायक नगरपालिकाको सिरुटारदेखि नयाँबानेश्वर हुँदै थानकोट–नागढुङ्गासम्म संञ्चालन हुने बस सेवा दिन सुरु गरेको हो ।

शुभकामना यातायात प्रालि द्धारा संञ्चालित ३१ सिटे बसहरुले सुर्य विनायक नगरपालिकाको वडा नम्बर १ र २ लाई समेट्ने विश्वास सञ्चालकले लिएका छन् । सिरुटारदेखि नयावानेश्वर हुदै थानकोट नागढुंगा सम्मको रुटमा बस सेवा सञ्चालनका लागि रुट प्रमिट प्राप्त गरेपछि सेवा सुरु गरिएको शुभकामना यातायात प्रालिले जनाएको छ ।

२०६६ सालमा ट्याम्पो विस्थापित गरेर फोर्स गाडी संञ्चालनमा आएपछि सो रुटमा ठुला सवारी साधन सञ्चालनमा आएका थिएनन् ।