काठमाडौं – चलचित्र ‘सत्या’ को ट्रेलर सार्वजनिक गरिएको छ । आइतवार राजधानीमा एक कार्यक्रमको आयोजना गर्दै फिल्मको ट्रेलर सार्वजनिक गरियो । साथै कार्यक्रममा कलाकार विकास थापाको जन्मदिन पनि मनाइयो ।
आउँदो कार्तिक २२ गते रिलिज हुने भनिएको यो फिल्मको ट्रेलरमा प्रेम, रोमान्स र एक्सन देख्न सकिन्छ । फिल्मलाई मिलन आले मगरले निर्देशन गरेका हुन् । राज कालाखेती, प्रिया शर्मा, करण सिंह बोहरा, वर्षा थिङ, विकास थापा लगायतका कलाकारको अभिनय रहेको यो फिल्मलाई सत्य घटनामा आधारित फिल्म भनिएको छ ।
निर्माण टिमले चलचित्र उत्कृष्ट भएको दाबी गरेको छ । युवापुस्तालाई मन पर्ने गरी फिल्म तयार गरिएको टिमको दाबी छ ।
प्रतिक्रिया