भारत प्रशासित कश्मिरमा बस दुर्घटना हुँदा ३३ जनाको मृत्यु

१६ असार २०७६, सोमबार

पढ्न लाग्ने समय : < 1 मिनेट

श्रीनगर– भारत प्रशासित जम्मु काश्मिरको किश्तवाड जिल्लामा यात्रुबाहक बस दुर्घटना हुँदा ३३ जनाको मृत्यु भएको छ ।

सोमबार बिहान भएको बस दुर्घटनामा अन्य २२ जना घाइते भएका छन् ।

किश्तवाडका प्रहरी उपआयुक्त अंग्रेज सिंह रानाले यात्रुबाहक बस खोँचमा झरेर दुर्घटनाग्रस्त भएको जानकारी दिए।

केशवनबाट आइरहेको यात्रुबाहक बस भिरालो सडकमा अनियन्त्रित भई खोँचमा झरेको प्रारम्भिक अनुसन्धानमा देखिएको पनि रानाले बताए ।

घाइतेहरुलाई उपचारका लागि नजिकका अस्पतालहरुमा भर्ना गरिएको जनाइएको छ ।

प्रकाशित मिति : १६ असार २०७६, सोमबार ११ : ४५ बजे

प्रतिक्रिया