भारत– भारतको विपक्षी राष्ट्रिय कांग्रेस पार्टीको संसदीय दलको नेतामा पुनः सोनिया गान्धी निर्वाचित भएकी छिन् ।

शनिबार भएको संसदीय दलको निर्वाचनमा विजयी भएकी उनी चौथो कार्यकालका लागि निर्वाचित भएको भारतीय सञ्चारमाध्यमले जनाएका छन् ।

गान्धी नेतृत्वको संसदीय दलले संसदमा प्रतिपक्षीको रुपमा प्रभावकारी भूमिका खेल्ने र जनताको पक्षमा आवाउ उठाउने तथा सरकारलाई गलत बाटोमा जानबाट रोक्ने पार्टीका प्रवक्ता रान्दीप सिंह सुर्जेवालाले जनाएका छन् ।

गान्धी सन् २००४ देखि निरन्तर काँग्रेसको संसदीय दलको नेता रहीआएकी छिन् ।

यसपटकको निर्वाचनमा काँग्रेसले तल्लो सदन लोकसभामा केबल ५२ सिट जितेको छ । भने नयाँ लोकसभाको पहिलो बैठक यही जुन १७ देखि जुलाई २६ सम्म बस्ने जनाइएको छ ।