काठमाडौं– इन्डियन प्रिमियर लिग (आईपीएल)मा महेन्द्रसिंह धोनीको कप्तानीमा रहेको चेन्नई सुपर किङ्सले राजस्थान रोयल्सलाई ८ रनले पराजित गरेकोृ छ । आइतबार राति भएको खेलमा टस हारेर पहिलो ब्याटिङ गरेको चेन्नईले दिएको १सय ७६ रनको लक्ष्य पछ्याएको राजस्थानले निर्धारीत २० आभेर पुरा खेल खेल्दै ८ विकेट गुमाएर १ सय ६७ रनमा समेटियो ।

राजस्थानविरुद्ध चेन्नईका दिपक चाहार र इम्रान ताहिरले उत्कृष्ट बलिङ गरेपछि राजस्थानले लक्ष्य भेट्टाउन सकेन । राजस्थानले १ सय ७६ रन बनाउने क्रममा राजस्थानका वेन स्टोक्सले ४६ रन, राहुल त्रिपाठीले ३९ रन, स्टेभन स्मिथले २८ र जोफ्रा आर्करले २४ रन बनाएपनि लक्ष्य पुरा गर्न सकेनन् ।

राजस्थानविरुद्ध चेन्नईका दिपक चाहारले उत्कृष्ट बलिङ गरे । उनले ४ ओभर बलिङ गर्दै १ मेडन ओभरसहित २ विकेट लिएका थिए । त्यस्तै, इम्रान ताहिर, ड्याइन ब्राभो र सादर््ल ठाकुरले समान २—२ विकेट लिएका थिए ।

यसअघि, टस हारेर पहिलो ब्याटिङ गरेको चेन्नईले २० ओभर पुरा खेल्दै ५ विकेट गुमाएर १ सय ७५ रन बनाएको थियो । चेन्नईका लागि कप्तान तथा विकेटकिपर ब्याट्सम्यान महेन्द्रसिंह धोनी नायक बने । उनले ४६ बलमा ४५ छक्का र ४ चौकाको मद्दतमा ७५ रन बनाउँदै राजस्थानविरुद्ध लक्ष्य लम्बाएका थिए ।

त्यस्तै, सुरेश रायनाले ३६ रन, ड्याइन ब्राभोले २७ रन बनाए भने शेन वाट्सनले १३ रन बनाएका थिए ।

चेन्नईविरुद्ध जोफ्रा आर्चरले २ विकेट, धवल कुलकर्णी, ज्यादव उन्डकट र वेन स्टोक्सले समान एक—एक विकेट लिएका थिए ।

जीतसँगै चेन्नई लिगमा ६ अंकसहित शीर्ष स्थानमा उक्लिएको छ भने पराजित राजस्थान अंकबिहीन हुँदै ७ औं स्थानमा छ ।