काठमाडौं- चालु आर्थिक वर्षको ४ महिनामा जीवन बीमा कम्पनीहरुले ८२ लाख २३ हजार ६ सय ९८ वटा बीमालेख बिक्री गरेका छन् ।

भने, ३० अर्ब भन्दा धेरै बीमा प्रिमियम रकम संकलन गरेका छन् । गत आर्थिक वर्षको यो अवधिमा १९ वटा जीवन बीमा कम्पनीहरुले ७० लाख २७ हजार ९ सय ९२ वटा बीमालेख बिक्रीको बीमा समितिको तंथ्याकमा छ ।

गत आर्थिक वर्षमा १६ अर्ब भन्दा प्रिमियम रकम संकलन भएको समितिले जनाएको छ । गतबर्ष भन्दा कम्पनीको प्रिमियम रकम ८७ .५५ प्रतिशतले बृद्धि भएको समितिको तंथ्याकमा उल्लेख छ ।

चालु आर्थिक वर्षको कात्तिक महिनासम्ममा सबैभन्दा धेरै बीमाशुल्क आर्जन गर्न सफल रहेको कम्पनी नेपाल लाइफ इन्स्योरेन्स रहेको छ । यो कम्पनीले कत्तिक मसान्तसम्ममा ९ अर्ब ५९ करोड रुपैयाँको बीमाशुल्क आर्जन गर्न गरेको छ ।

त्यस्तै दोस्रोमा लाइफ इन्स्योरेन्स कम्पनीले ४ अर्ब ६५ करोड रुपैयाँको बीमाशुल्क आर्जन गरेको समितिले जनाएको छ । यस्तै, तेस्रोमा भने बीमा संस्थान रहेको छ । कम्पनीले कात्तिक मसान्तसम्ममा ४ अर्ब ४२ करोड रुपैयाँ बीमाशुल्क आर्जन गर्न गरेको छ ।