कास्की–कास्की निर्वाचन क्षेत्र नम्बर २ मा भएको उपनिर्वाचनको मतगणना जारी छ । अहिले पोखरा उपमहानगरपालिका ३३ र २१ वडाको मतगणना सम्पन्न भएको मतगणना स्थलमै रहेका सञ्चारकर्मी सुबास पौडेलले जानकारी दिए ।
पौडेलका अनुसार वडा नम्बर ३३ को मतगणना सकिँदा नेकपाकी उम्मेद्वार विद्या भट्टराईले ३ हजार २ सय ७६ मत प्राप्त गरेकी छन् । त्यस्तै २१ नम्बर वडाबाट उनले ३ हजार ५ सय १९ गरी कूल ६ हजार ७ सय ९५ मत प्राप्त गरेकी छन् ।
त्यस्तै कांग्रेसका उम्मेद्वार खेमराज पौडेलले वडा नम्बर ३२ बाट २ हजार १ सय १५ र वडा नम्बर २१ बाट ९ सय ७० मत प्राप्त गरेका छन् ।
यो मत परिणाम अनुसार अहिले नेकपाकी उम्मेद्वार विद्याले ३ हजार ७ सय १० मतले अग्रता लिएकी छन् ।
प्रतिक्रिया