काठमाडौँ – फिफा विश्वकप २०२६ को उपाधि भिडन्तमा स्पेनसँग १–० ले पराजित भएपछि अर्जेन्टिनाका कप्तान लियोनल मेसीले आँसु रोक्न सकेनन् ।

यस विश्वकपमा उत्कृष्ट लयमा देखिएका कप्तान लियोनल मेसीका लागि फाइनल खेल सुखद रहन सकेन । मैदानमा स्पेनको पूर्ण दबाबका कारण मेसीले आफ्नो स्वभाविक जादु देखाउन सकेनन् । खेलको अन्तिम क्षणसम्म अर्जेन्टिनाका तर्फबाट जति पनि मुभहरू बने, ती सबै मेसीकै वरिपरि घुमेका थिए । यद्यपि, स्पेनको बलियो रक्षापंक्ति तोड्न उनी असफल रहे, जसका कारण मेसीका लागि यो खेल सुखद बन्न सकेन ।

स्पेनसँग फाइनलमा पराजित भएपछि मुख्य प्रशिक्षक लियोनल स्कालोनीले टोलीको प्रदर्शनमा गर्व गर्दै हारलाई सहज रूपमा स्वीकार्नुपर्ने बताएका छन् । निर्धारित ९० मिनेटको खेलपछि अतिरिक्त समयमा लम्बिएको फाइनलमा अर्जेन्टिनाले पराजय ब्यहोरेको हो ।

प्रशिक्षक स्कालोनीको भावुक अभिव्यक्ति दिँदै यस्तो बनाएका हुन् । खेलपछिको पत्रकार सम्मेलनमा भावुक रूपमा प्रस्तुत भएका प्रशिक्षक स्कालोनीले नतिजाबाट दुःखी भए पनि खेलाडीहरूले मैदानमा आफ्नो सर्वस्व सुम्पिएको बताए । “म स्तब्ध छु, तर हाम्रा खेलाडीले कति मिहिनेत गरे भन्नेमा म सचेत छु । यहाँसम्म आइपुग्न कति कठिन थियो भन्ने म बिर्सन्न,” स्कालोनीले भने, “हामीले जितमा मात्र होइन, हारमा पनि संयमता र महानता देखाउनुपर्छ । आज हामीले हारलाई कसरी स्वीकार्ने भन्ने प्रमाणित गरेका छौँ । स्पेन आजको खेलमा हामीभन्दा उत्कृष्ट थियो ।” उनले देशबासीलाई सम्बोधन गर्दै टोलीले मैदानमा रगत–पसिना बगाएको दाबी गरे ।

खेल समीक्षकका अनुसार फाइनल भिडन्तमा स्पेन पूर्ण रूपमा हाबी भएको थियो । खेलको सुरुवाती मिनेटदेखि अन्तिम समयसम्म बलमाथि नियन्त्रण राख्दै स्पेनले लगातार गोलका अवसर सिर्जना गरेको थियो । मैदानमा देखाएको आक्रामक र सुन्दर फुटबलका कारण स्पेन यो उपाधिको हकदार रहेको र फुटबल इतिहासका लागि यो नतिजा न्यायोचित भएको विश्लेषण गरिएको छ ।