काठमाडौं – फिफा विश्वकप २०२६ को बहुप्रतीक्षित फाइनल खेलको पहिलो हाफ गोलरहित बराबरीमा सकिएको छ ।

अमेरिकाको न्यु जर्सीस्थित न्यूयोर्क–न्यु जर्सी स्टेडियममा जारी उपाधि भिडन्तमा पहिलो ४५ मिनेटसम्म दुवै टोलीले गोल गर्न सकेनन् । अर्जेन्टिना र स्पेनले केही आकर्षक आक्रमण बुने पनि विपक्षी रक्षापंक्ति र गोलकिपरको उत्कृष्ट प्रदर्शनका कारण स्कोर खुल्न सकेन ।

खेलको सुरुआती चरणमा स्पेनले बलमा बढी नियन्त्रण जमाउँदै केही खतरनाक अवसर सिर्जना गरेको थियो । युवा स्टार लामिन यामालले पाएको उत्कृष्ट अवसरलाई गोलमा परिणत गर्न नसक्दा स्पेन अग्रता लिनबाट चुकेको थियो ।

विश्व फुटबलका दुई शक्तिशाली राष्ट्रबीचको फाइनल अपेक्षाअनुसार प्रतिस्पर्धात्मक बनेको छ। पहिलो हाफमा दुवै टोलीले सावधानीपूर्वक खेल प्रस्तुत गरेका कारण खेल निकै रणनीतिक देखिएको थियो।

अब दोस्रो हाफमा उपाधिको छिनोफानोका लागि दुवै टोली थप आक्रामक रूपमा मैदान उत्रिने अपेक्षा गरिएको छ।