काठमाडौं – ४८ देशले १०३ वटा खेल खेलिसकेपछि सोमबार बिहान फाइनल हुँदैछ । अर्जेन्टिना र स्पेन विश्वकप ट्रफी उचाल्ने दाउमा छन्, हरौं को सफल हुन्छन् ?

यसपालीको पुरस्कार राशीले पनि विश्वकपको आकर्षण बढाएको छ । ट्रफी–मेडलबाहेक फिफाले ६६. करोड डलर नगद पुरस्कारमा खर्चिने भएको छ ।

विश्वपमा सहभागी हुनु कुनै पनि देशका लागि आफैँमा एउटा उपलब्धि हो । त्यसैले सहभागी टोलीले ९० लाख डलर रकम पाउँछन् ।

१७ औंदेखि ३२ औंस्थानमा पुगेका टोलीले १ करोड १० डलर नगद पाउनेछन् ।

पाँचौदेखि आठौं स्थानसम्म पुगेकाले १ करोड ९० लाख डरल पाउनेछन् । चौथो बनेको फ्रान्सले २ करोड ७० लाख डलर पाएको छ । तेस्रो बनेको इङल्यान्डले २ करोड ९० लाख डरल पाएको छ ।

अब पहिलो र दोस्रो पुरस्कार पाउने टोली घोषित हुन बाँकी छ । दोस्राले ३ करोड ३० लाख डलर पाउनेछ । पहिलोले ५ करोड डलर पाउनेछ ।

यो वर्ष ८० लाख डलरले विजेताको पुरस्कार राशी बढाइएको हो । सन् २०२२ को विजेता अर्जेन्टिनाले ४ करोड २० लाख डलर हात परेको थियो ।

च्याम्पियनलाई औँठी

फिफाले यो विश्वकपबाट च्याम्पियनलाई औँठी पनि दिने भएको छ । विजेतका टोलीका लागि ३० वटा औँठी छुट्याइएको छ । टोलीका प्रबन्धकले पनि औँठी पाउने भएका छन् ।

खेलाडीहरूको नापअनुसारको औँठी प्रदान गरिने बताइएको छ । औँठी विजेता भइसकेपछिको मितिमा मात्रै प्रदान गरिनेछ ।

विश्वपक विजेताहरू दिइने ट्रफीपछिको यो मात्रै अर्को भौतिक पुरस्कार हो ।