काठमाडौं- प्रतिनिधि सभाको मंगलबार बसेको बैठकमा पनि विपक्षी दलहरूले विरोध कायमै राखेका छन् ।

मंगलबार प्रतिनिधिसभाको बैठक सुरू हुनेबित्तिकै विपक्षी दलका सांसदहरूले उठेर विरोध जनाए ।

त्यसपछि सभामुख डोलप्रसाद अर्यालले विपक्षी दलका तर्फबाट नेकपा एमालेका सांसद गणेशसिंह ठगुन्नालाई बोल्न समय दिए।

उनले सीमासम्बन्धी प्रधानमन्त्री वालेन्द्र शाहको अभिव्यक्ति संसद्को रेकर्डबाट हटाउनुपर्ने अडान राखे।

ठगुन्नाले प्रधानमन्त्री शाहले संसद्बाट माफी माग्नुपर्ने आफूहरूको माग कायमै रहेको बताएका छन् ।

सांसद ठगुन्नाले आफूहरूको माग पूरा नभएसम्म विरोध नरोकिने स्पष्ट पारेका छन् ।

उनले उचित व्यवस्थापनबिना नै सुकुम्वासीहरूलाई वर्षाको पानीमा डुब्न बाध्य पारिएको भन्दै आपत्ति जनाएका छन्।

राज्य संयन्त्रको दुरुपयोग गरी राज्य संयन्त्रलाई प्रतिशोधपूर्ण ढङ्गले सञ्चालन गरिएको आरोप लगाउँदै राजनीतिक पूर्वाग्रहका आधारमा पहिले गिरफ्तार गर्ने र पछि अनुसन्धान गर्ने उल्टो विधि अपनाइएको पनि उल्लेख गरे।