काठमाडौं – नायिका सिम्रन खड्का अहिले चर्चामा छिन् । उनको फिल्म ‘गौँथली’ प्रदर्शन नजिक आएकाले उनी मिडिया हाइलाइटमा छन् ।

फिल्मका प्रचार सामाग्री र अन्तर्वार्ताले उनलाई चर्चामा ल्याएको हो ।

उनै सिम्रन आइतबार काठमाडौंको वसन्तपुर र ललितपुरको पाटक दरबार क्षेत्रमा फरक हुलियामा पुगेकी छन् ।

उनी डोकामा घाँस बोकेर मान्छेहरूको भिडभाड हुने ठाउँमा पुगेकी थिइन् । फिल्मको पात्र ‘गौँथली’को चरित्रमा उनी पुगेकी थिइन् । उनले चौबन्दी चोलो र धोती लगाएकी थिइन् ।

उनी फिल्म प्रचारका लागि फरक हुलियामा त्यस ठाउँमा पुगेकी हुन् । उनलाई यो हुलियामा देखेर केहीले तस्बिर खिचे । चिन्नेहरूले संवाद गरेर सेल्फी लिए ।

सम्भव भएसम्म दर्शकलाई प्रत्यक्ष भेटेर फिल्म हेर्न जान अनुरोध गर्न आफूहरूले यो प्रचारको शैली अपनाएको उनले बताइन् ।

यस फिल्मको नायक अरुण क्षेत्री हुन् । निर्देशक डा कपिल रिजाल हुन् ।