काठमाडौँ – फिफा विश्वकपको रोमाञ्चक क्वार्टरफाइनल खेलमा अर्जेन्टिना र स्विट्जरल्यान्डको खेलमा १–१ गोलको बराबरीमा भएको छ ।

खेलको १० औँ मिनेटमै कप्तान लियोनेल मेसीको पासमा एलेक्सिस म्याक एलिस्टरले गोल गर्दै अर्जेन्टिनालाई सुरुवाती अग्रता दिलाएका थिए । पहिलो हाफमा १–० को अग्रता बनाएको अर्जेन्टिनाले दोस्रो हाफमा भने लय गुमाउन पुग्यो ।

खेलको ६७ औँ मिनेटमा स्विट्जरल्यान्डका डान न्डोएले रिकार्डो रोड्रिगेजको पासमा गोल गर्दै खेललाई १–१ को बराबरीमा ल्याएका हुन् ।

गोल फर्काएर खेलमा फर्किएको स्विट्जरल्यान्ड ७२ औँ मिनेटमा भने दबाबमा आयो । टोलीका मुख्य फरवार्ड ब्रिल एम्बोलोले दोहोरो पहेँलो (रातो) कार्ड पाउँदै मैदान छाडेपछि स्विट्जरल्यान्ड खेलको अन्तिम समयमा १० खेलाडीमा समेटिएको छ ।

१० खेलाडीमा समेटिएको स्विट्जरल्यान्डले अर्जेन्टिनाको बलियो आक्रमणलाई रोकिराखेको छ । सेमिफाइनल प्रवेशका लागि दुवै टोलीका लागि यो खेल महत्त्वपूर्ण छ ।