काठमाडौँ – नर्वेली स्ट्राइकर एर्लिङ हालान्डका बुबा अल्फ–इन्गे हालान्डले इङ्गल्यान्डविरुद्धको खेलमा टोली पराजित भएपछि रेफ्रीको निर्णयमाथि कडा असन्तुष्टि जनाएका छन् ।

विश्वकप छनोट अन्तर्गतको खेलमा नर्वे इङ्गल्यान्डसँग पराजित भएपछि उनले सामाजिक सञ्जालमार्फत रेफ्रीको आलोचना गरेका हुन् । खेलका क्रममा रेफ्रीले इङ्गल्यान्डका जुड बेलिङघम संलग्न एक विवादास्पद निर्णय गरेपछि खेल नर्वेको हातबाट फुत्किएको उनको दाबी छ ।

पूर्व फुटबलर समेत रहेका अल्फ–इन्गेले सामाजिक सञ्जाल ‘एक्स’मा व्यङ्ग्यात्मक शैलीमा लेखेका छन्, ‘बेलिङ्घम र रेफ्रीलाई स्याबास।’ उनले रेफ्रीको उक्त निर्णयले खेलको निर्णयक मोड परिवर्तन गरिदिएको र नर्वे अन्यायमा परेको उल्लेख गरेका छन् ।

खेलमा इङ्गल्यान्डले नर्वेलाई पराजित गर्दै सेमिफाइनल यात्रा तय गरेको छ । हालान्डले खेलभरि इङ्गल्यान्डको डिफेन्सलाई व्यस्त राखे पनि टोलीलाई जित दिलाउन सकेनन् । खेल सकिएलगत्तै सामाजिक सञ्जालमा रेफ्रीको भूमिका र भिडियो असिस्टेन्ट रेफ्रीको निर्णयमाथि फुटबल प्रेमीहरूले समेत बहस सुरु गरेका छन् ।