एउटा बोकाको मुल्य झण्डै तीन लाख रुपैयाँ, त्यो पनि नेपालमै । यो कुरा सुन्दा तापाईंलाई पत्यार नलाग्न सक्छ तर, बास्तविकता यस्तै छ ।

म्याग्दीको बेनी नगरपालिका ९ का एक किसानले एउटै बोकालाई २ लाख ९० हजार रुपैयाँमा बिक्री गरेका छन् ।

विगत छ वर्षदेखि व्यावसायिक रुपमा उन्नत जातको बाख्रापालन गर्दै आएका किसान अनन्त रिजालले एउटा बोका २ लाख ९० हजारमा बेचेका हुन् ।

उनको फर्ममा अहिले सात बोयर र २५ क्रस बोयर जातका बाख्रा पालेका छन् । रिजालले अष्ट्रेलियाबाट उत्नत जातको बाख्रा आयात गरी नेपाल ल्याएका थिए ।

विगत पाँच वर्षदेखि स्थानीय जातका बाख्रामा नश्ल सुधार गरी उन्नत बाख्रा उत्पादन गर्न थालिएको र नश्ल सुधार गरिएका बोयर बाख्राका पाठापाठी एउटैलाई रू एक लाखदेखि रू दुई लाखसम्ममा बिक्री गर्दै आएको किसान रिजालले बताए ।