काठमाडौं– गृहमन्त्री सुधन गुरुङले आफूलाई राम्रोसँग बोल्न नआएपनि काम गर्न आउने बताएका छन् । शुक्रबार प्रतिनिधिसभामा विशेष समय लिएर बोल्दै उनले विपक्षीप्रति आक्रोश व्यक्त गरेका हुन् ।

‘हामीलाई राम्रोसँग बोल्न आउँदैन होला तर, काम चाहिँ राम्रोसँग गर्न आउँछ, आफ्नो देशलाई जोगाउन आउँछ’, उनले भने, ‘चाहे तपाईं नै होस् तपाईंको जिम्मेवारी पनि हाम्रै टाउकोमा छ ।’ सरकारले कुनै दल/पार्टी भनेर नछ्ट्याएको पनि बताए ।

उनले गणेश नेपालीलाई उपचारको लागि भारत लैजान सबै तयारी गरेको तर, डाक्टरहरूले बिमारीलाई स्थिर राख्नुपर्ने लगायत डाक्टरको सुझावअनुसार नलगेको बताए । साथै, उनले स्थानीय सरकारले ह्वील लक लगाएको र त्यसको दोष पनि संघीय सरकारले नै बोक्नुपर्ने भन्दै आक्रोश पोखे ।