एजेन्सी- इङग्लीस प्रिमियर लिगको महत्वपूर्ण मानिएको एभरटनविरुद्धको खेलमा लिभरपुलले अंक बाडेको छ । आइतबार राति एभरटनको घरेलु मैैदानमा भएको खेलमा लिभरपुलले गोलरहित बराबरी खेल्यो ।

लिगको शीर्ष स्थानको म्यानचेस्टर सिटीभन्दा २ अंकले पछि परेको लिभरपुलले एभरटनसँग अंक बाडेपछि ७० अंकसहित दोस्रो स्थानका कायमै छ । दोस्रो स्थानको सिटीको ७१ अंक छ । लगातारको कमजोर प्रदर्शनले लिभरपुल सिटी भन्दा अंक तालिकामा पछि परेको छ ।

लिभरपुलका स्टार खेलाडी मोहमद सलाहले पटक-पटक गरेका गोल प्रयास एभरटनका गोलकिपरले असफल बनाइदिएपछि लिभरपुल अंक बाड्न बाध्य भयो ।

योसँगै लिभरपुल र सिटीबीच प्रिमियर लिग उपाधिका लागि रोमाञ्चक प्रतिस्पर्धा हुने भएको छ । एभरटनले घरेलु मैदानमा लिभरपुलविरुद्ध रक्षात्मक खेल्दै उत्कृष्ट प्रदर्शन गर्यो ।