काठमाडौं– धितोपत्र बजारमा साताको दोस्रो कारोबार दिन नेपाल स्टक एक्सचेञ्ज (नेप्से) परिसूचक २४ दशमलव ५७ अंकले बढेर दुई हजार ६५१ दशमलव ६९ विन्दुमा पुगेको छ।

आज ठूला कम्पनीको कारोबार मापन गर्ने सेन्सेटिभ परिसूचक चार दशमलव ३३ अंकले बढेर ४६० दशमलव ६१ विन्दुमा पुगेको छ। फ्लोट परिसूचक एक दशमलव ७३ अंकले बढेर १८१ दशमलव ९६ र सेन्सेटिभ फ्लोट परिसूचक एक दशमलव ५७ अंकले वृद्धि भएर १५६ विन्दुमा कायम भएको छ।

नेप्सेका अनुसार आज विभिन्न कम्पनीका ९५ लाख १९ हजार ४५२ कित्ता सेयर चार अर्ब ४० करोड सात लाख ५२ हजार ५४२ रुपैयाँमा खरिदबिक्री भएको छ।

आज कारोबार भएका सबै १३ उपसमूह हरियालीमा रहे। कलङ्गा हाइड्रो लिमिटेड, आरबीबी फोकस–४० म्युचुअल फन्ड र सानीगढ हाइड्रोपावरका लगानीकर्ताले सर्वाधिक नाफा कमाएका छन्।

यता आत्मनिर्भर लघुवित्त वित्तीय संस्था र सिटिजन बैंक डिबेञ्चरका लगानीकर्ताले भने मूल्य घट्दा घाटा बेहोरेका छन्।