काठमाडौं – पर्यटन वर्ष २०२० को प्रवर्द्धन र पूर्वका पर्यटकीय स्थलको पचार गर्ने उद्देश्यले ‘पूर्वाञ्चल म्युजिक फेस्टिभल २०७६’ को आयोजना गरिने भएको छ । बिहीवार राजधानीमा आयोजित पत्रकार सम्मेलनमा यसबारेमा जानकारी दिइयो ।

आयोजक हाम्रो कार्टले पूर्वमा फेस्टिभल गर्न लागेको हो । हाम्रो कार्टका प्रमुख प्रमेश श्रेष्ठका अनुसार आन्तरिक पर्यटनलाई बढावा दिने उद्देश्यसहित म्युजिक फेस्टिभल गर्न लागिएको हो । फेस्टिभलमा एड्रियन प्रधान र नबिन के भट्टराईको विशेष प्रस्तुति रहनेछ । दुवै गायकले आफ्नो ब्याण्डसँगै प्रस्तुति दिनेछन् ।

यस्तै फेस्टिभलमा सुशान्त केसीको पनि प्रस्तुति रहने जनायएको छ । सुशान्त गत वर्ष प्रसारण भएको भ्वाइस अफ नेपालको उत्कृष्ट ५ भित्र पर्न सफल प्रतियोगी हुन् । यस्तै कार्यक्रममा अन्य ब्याण्डको पनि प्रस्तुति रहनेछ ।

आयोजकका अनुसार कार्यक्रम इटहरीको रंगशालामा हुनेछ । कार्तिक ३० गते शनिबार बेलुकी ४ बजेबाट कार्यक्रम शुरु हुने आयोजकले जनाएको छ ।