काठमाडौं- मोन्टेङ्ग्रोलाई ७–०ले हराउँदै इंग्ल्याण्ड यूरो कपमा छनौट छनोट भएको छ ।

बिहीबार राति भएको खेलमा मोन्टेङ्ग्रोलाई ७–० गोल अन्तरले पराजित गर्दै इंग्ल्याण्ड अर्को बर्ष हुने युरोकपका लागि छानिएको हो ।

इंग्ल्याण्डले आफ्नौ एक हजारौ खेलमा महत्वपुर्ण जित्न आत्मसाथ गर्यो ।

समूह एको खेलमा इंग्ल्याण्डले घरेलु मैदान वेम्वलीमा मोन्टेङ्ग्रोमाथि प्रभावशाली जित रच्यो ।

कप्तानी ह्यारी केनले टोलीका लागि पहिलो ह्याट्रिक गरेको खेलमा ओक्सलेड चाम्बरलिन, मार्कुस रासफोर्ड र अब्राहमले एक एक गोल गरे । इंग्ल्याण्डले एक आत्मघाती गोल उपहार पाएको थियो ।

छनोटको खेलमा ह्याट्रिक पुरा गरेका ह्यारी इंग्ल्याण्डको सर्वाधिक ५ गोलकर्ताभित्र अटाएका छन् ।

चाम्बरलिनको गोलबाट ११ औ मिनेटमा इंग्ल्याण्डले खेलमा अग्रता बनाएको थियो ।

१८ औ मिनेटमा केनले घरेलु टोलीको अग्रता दोब्बर बनाएका थिए । उनले २४ औ मिनेटमा ब्यक्तिगत दोस्रो गोल गर्दै टोलीलाई ३–० ले अघि बढाए ।

रासफोर्डले ३० औ मिनेटमा टोलीका लागि चौथो गोल गरे । ३७ औ मिनेटमा केनले ह्याट्रिक पुरा गरेका थिए ।

६६ औ मिनेटमा सोफ्रनाकले आत्मघाति गोल गरेपछि इंग्ल्याण्ड खेलमा ६–० ले अघि बढेको थियो । ८४ औ मिनेटमा अब्राहमले गोल गर्दै इंग्ल्याण्डलाई ७–० को जित दिलाउन सफल रहे । राष्ट्रिक टिमका लागि अब्राहमको पहिलो गोल समेत हो ।

समूह एको खेलमा इंग्ल्याण्डले ७ खेलबाट १८ अंक जोड्यो । मोन्टेङ्ग्रो ३ अंक सहित चौथो स्थानमा रह्यो ।