तेहरान- इरानका सर्वोच्च नेता अली खामेनीको अन्तिम श्रद्धाञ्जली कार्यक्रममा सहभागी हुन राजधानी तेहरानमा लाखौँ मानिसको भीड जुटेको छ। श्रद्धाञ्जलि दिन आउनेको संख्या निरन्तर बढेपछि तेहरानस्थित  मोसाल्ला मस्जिदका उत्तरी प्रवेशद्वारसमेत खोलिएको इरानी सञ्चारमाध्यमहरूले जनाएका छन्।

श्रद्धाञ्जली कार्यक्रममा सहभागी हुनेको चाप अत्यधिक बढेपछि मस्जिदका थप प्रवेशद्वार सञ्चालनमा ल्याइएको हो।

इरानी अधिकारीहरूले इरान र इराकका विभिन्न सहरमा आयोजना गरिने छदिने शोक तथा श्रद्धाञ्जली कार्यक्रममा एक करोड ५० लाखदेखि दुई करोडसम्म मानिस सहभागी हुने अनुमान गरेका छन्।

यसैबीच, इराकी सञ्चारमाध्यमहरूका अनुसार अन्तिम संस्कार कार्यक्रममा सहभागी हुन सहज होस् भन्ने उद्देश्यले बुधबार राजधानी बग्दादमा सार्वजनिक बिदा घोषणा गरिएको छ।

 अली खामेनीको अन्तिम संस्कार कार्यक्रम बिहीबार उनको गृहसहर मशहदमा सम्पन्न हुनेछ। त्यहाँ धार्मिक परम्पराअनुसार अन्तिम श्रद्धाञ्जलिपछि उनलाई दफन गरिने कार्यक्रम रहेको छ।

देशभर शोकको वातावरणबीच जारी श्रद्धाञ्जली कार्यक्रममा सर्वसाधारण, धार्मिक अगुवा तथा सरकारी अधिकारीहरूको उल्लेखनीय सहभागिता रहेको जनाइएको छ।