काठमाडौं– सीप अवसर र रोजगारी भन्ने नाराका साथ पोखरामा रोजगार मेला आयोजना गरिएको छ ।  

पोखरा उद्योग बाणिज्य संघ र ग्रोथसेलरको संयूक्त आयोजना र पोखरा महानगर पालिकाको सहयोगमा  आयोजना गरिएको मेलामा विभिन्न बैंक, अस्पताल, विभिन्न मोट कम्पनी लगायत ६० भन्दा बढी व्यावसायिक कम्पनीहरूको सहभागिता रहेको छ ।

मेलामा रोजगार दाता र दक्ष जनशक्तीबिच प्रत्यक्ष भेटघाट हुने, विभिन्न कम्पनीमा अवसर अन्तरवार्ता, पेशागत परामर्श तथा करियर विकासका सम्भावना प्राप्त गर्न सकिने समेत बताइएको छ ।  

पछिल्लो समय लाखौँ युवा जनशक्ति रोजगारीको खोजीमा रहेका बेला आफ्नो सीप, योग्यता र अनुभवसँग मिल्ने अवसर खोज्ने उत्कृष्ट अवसर भएकाले यस्ता मेलाबाट रोजगारीको लागी राम्रो वातावरण बन्ने पोखरा महानगरपालिकाका प्रमुख धनराज आचार्यले बताए । 

रोजगार मेलाबाट विशेष गरी बेरोजगार युवा जनशक्ति र व्यवसायी बिचको सम्बन्ध बिस्तार आगामी दिनमा आफ्नै देशमा बसेर सफल व्यवसाय सञ्चालन गर्नका लागी मेलाको आयोजना गरिएको पोखरा उद्योग वाणिज्य संघका अध्यक्ष गोकर्ण कार्कीले बताए ।